• אלט געווען 80 יאר
• געוואוינט אין מאנסי, נוי יארק
• געבוירן כ׳ כסלו תרצ״ט אין סאדערהעלי, אונגארן
• נפטר געווארן י”ג בניסן תשע”ט

יהא זכרו ברוך!

הר”ר עזריאל טויבער ז”ל איז געווען אן עסקן אין מאנסי וואס איז שטארק עוסק געווען אין קירוב. ער האט געגרינדעט די שלהבת ארגאניזאציע צוזאמען מיט רבי שמשון פינקוס ז”ל צו בויען אידישקייט איבער דער וועלט דורך מאכן בעלי תשובה. ער פלעגט פירן שבתים סיי אויף אידיש סיי אויף ענגליש.

ער איז געווען אמאל א גרויסער מיליאנער אבער האט זיך שפעטער אריינגעלאזט אין עסקנות צו בויען אידישקייט אנשטאט.

ער האט אנגעהויבן זיין קאריערע פון עסקנות און פילאנטראפיע אין מוסדת וויזשניץ מאנסי, דערנאך אין סקווירא, און ער האט גענומען זיין עשירות אויפצובויען אייגענע מוסדות, אונטערן נאמען מכון להוראה האט ער געגרינדעט א ישיבה און כולל. דער כולל איז היינט צוטאגס אן אנערקענטער בית דין אין מאנסי אונטער דער אנפירערשאפט פון זיין אינגסטער ברודער ר’ יחיאל טויבער שליט”א. און די ישיבה איז געגאנגען צום מנהל ר’ אשר זעליג גרינבערגער ז”ל אין מאנסי. מיט איר נייעם נאמען שערי אפרים אויפן נאמען פון ר’ אפרים אשרי ז”ל דער רב פון בית המדרש הגדול וואס ער איז דער שווער פון ר’ אשר זעליג גרינבערגער ז”ל.

זיין מפעל שלהבת שטייט נאך דאס האט ער געגרינדעט צו בויען אידישקייט איבער די וועלט דורך מאכן בעלי תשובה .שלהבת האט א בית המדרש אין מאנסי, און ארגאנאזירט שבתון’ס איבעראל.

ער האט געשריבן פיל ספרים אויף דער ענגלישער שפראך אויפן סטיל פון זיין רבי ר’ מיכאל בער ווייסמאנדל ז”ל און באזירט אויפן מהר״ל מפראג, דאס איז שוין איבערגעטייטשט אויף פילע שפראכן, און דאס צינד כסדר אונטער אסאך אידן דורכאויס די וועלט צו אידישקייט.

היינט איז ארויסגעקומען שוין מער ווי זעקס בענדער פין אלע מינע השקפה ספרים אין לשה”ק, און עס איז אזוי אויפגעכאפט אז מען האט עטליכע פון די ספרים שוין איבער געדריקט.

ער פלעגט זיין פארנומען ארום צו שפרייזן אין אלע מקומות הנדחים אוואו עס געפינען זיך נאר אפ א קבוצה אידן, איבערהויפט אין ארץ ישראל זיי צו מקרב זיין צו תורה ומצוות, ער איז געווען א פייערדיגער רעדנער וואס קען רעדן זעקס זיבן שעה און א ציה און האלטן צוגעשמידט דעם עולם צוהערער מיט דראמאטישע עמאצינאלע מעשיות און משלים מיט פלאם פייערדיגע רעיונות.

ער האט נישט נאר עוסק געווען אין קירוב רחוקים, נאר אויך אין קירוב קרובים, ער האט מקרב געווען צובראכענע נשמות צו אידישקייט, און באוויזן אותות ומפותים אין דעם פעלד, בעיקר מיט זיינע שבתים אויף אידיש און אויף ענגליש.

ר’ עזריאל איז נפטר געווארן י”ד ניסן תשע”ט אין עלטער פון 80 יאר, נאכן נישט זיין געזונט.

אומריכטיגע אינפארמאציע? ווילט איר עפעס פארבעסערן? ביטע פארבינדט אייך

קינדער:
זוהן – הרב בערל טויבער שליט”א
איידעם – הר”ר עמרם האניג שליט”א
איידעם – הר”ר אהרן דוד ניישטאדט שליט”א
איידעם – הר”ר יצחק אלעזר מאסקאוויטש שליט”א

געשוויסטער:
ברודער –  ר’ אבא חייא טויבער שליט”א
ברודער –  ר’ יחיאל טויבער שליט”א

מקום מנוחתו אין בית החיים קרית פאפא