• אלט געווען 72 יאר
• געוואוינט אין לאנדאן, ענגלאנג
• געבוירן חודש אלול תש”י אין לאנדאן
• נפטר געווארן ד’ תמוז תשפ”ב

יהא זכרו ברוך!

הגאון רבי יעקב דוד דאמב זצ”ל איז געבוירן געווארן אום חודש אלול תש”י, זייענדיג דער בכור פון זיין טאטען הגאון רבי ירחמיאל ישראל יצחק דאמב זצ”ל, אב”ד יאבלונא און שפעטער אין לאנדאן וואס איז געווען פון די הויפט מנהיגי נטורי קרתא, און צו זיין מאמע לבית שטאלצבערג פון וויען, אסטריע.

אלט זייענדיג 8 יאר האט אים זיין טאטע ארויסגענימען פון חדר כדי ער זאל זיך קענען משלים זיין פיל מער ווי די קינדער לערנען. ביי זיין בר מצווה האט ער געזאגט א למדות’דיגער פשעטל אויף מסכת שבת, ווען מען האט האט געוויזן די פשעטל פארן בריסקער ראש ישיבה הגאון רבי יוסף דוב סולובייטשיק זצ”ל,א זוהן פון הגרי”ז מבריסק זצ”ל האט ער געפרעגט ווער איז דער “ראש ישיבה” וואס האט געשריבן די פשעטל?

שפעטער איז ער געגאנגען לערנען קיין וויליאמסבורג לערנען אין ישיבה פון הרה”ק מסאטמאר זי”ע, דארט האט אפאר יאר געלערענט בחברותא מיט הגאון רבי זלמן אשכנזי זצ”ל

ווען ער איז געקומען צום פרק האיש מקדש האט ער חתונה געהאט מיט’ן טאכטער פון ר’ משה ארי’ ראזענבערג ז”ל דער מייסד פון בנות ירושלים אין לאנדאן. צענדליגע יארן האט ער פלייסיג געלערנט אין כולל שערי שלום אונטער דער פירערשאפט פון הגה”צ רבי שלום שניצלער, גאב”ד טשאבא לאנדאן און איז אויסגעשטיגן אלטס א גאון עולם.

נאכדעם איז ער אויפגענימען געווארן אלס ראש ישיבה אין ישיבת תורת חסד לאנדאן, און שפעטער האט ער געדינט אלס ראש הכולל אין באבוב לאנדאן. דערנאך איז ער אויפגענומען געווארן אלס רב הבימ”ד ומו”צ דק”ק תהלות יואל סאטמאר לאנדאן.

ער איז געשטאנען צו זיין פאטער’ס רעכטע האנט ארויסצוגעבן די ספר ‘נהרי אש’ פון רבי שמעון זשעליחוב’ער זי”ע אזוי אויך האט ער מחבר געווען א ביאור אויפ’ן ספר ‘חובות הלבבות’.

געווען א שטארקע עובד ה’, ער איז געגאנגען אין זיין פאטער’ס דרכים מקנא צו זיין קנאות ה’ מיט א ריינע השקפה, אבער זיין דרך איז אלץ געווען מיט א נעימות, ער פלעגט זיין פארמישט אין ציבור’ישע אנגעלעגענהייטן און פלעגט העלפן פריוואט פילע מענטשן אין שטאט.

זיין שטוב אין לאנדאן איז געווען א בית ועד לחכמים, פרעמדע אדמו”רים און רבנים וואס זענען אהינגעקומען פלעגן אים אלס גיין באזוכן. ער איז געווען באוואוסט פאר זיינע אויפטרעטן ביי גרויסע מעמדים

אומריכטיגע אינפארמאציע? ווילט איר עפעס פארבעסערן? ביטע פארבינדט אייך

קינדער:
זוהן – ר’ יחיאל יוסף הי”ו
זוהן – ר’ שלמה ניסן חיים הי”ו
זוהן – ר’ יוחנן הי”ו
זוהן – ר’ יואל הי”ו
זוהן – ר’ אברהם שמעון הי”ו

געשוויסטער:
שוואגער – ר’ יודא הערש ווידער הי”ו

מקום מנוחתו אין בית החיים עדת ישראל – ענפילד – לאנדאן